حرم کا تعارف 

_AQR4988 مش.jpg

حرم کا تعارف، صحن پیامبر اعظم (ص)

دارالسلامدارالسلام، روضہ منورہ امام علی رضا علیہ السلام کے جنوب مشرق میں واقع ہے اور رواق دارالحفاظ، دارالعزہ اور دارالسرور، گنبد حاتم خانی اور مسجد گوہرشاد سے متصل ہے۔&nbsp;اس رواق کی لمبائی&nbsp;20 میٹر، چوڑائی&nbsp;10 میٹر اور اونچائی&nbsp;9/5 میٹر ہے، اطراف کے ملحقہ حصوں کو شامل کرتے ہوئے اس کا کل رقبہ&nbsp;227 مربع میٹر ہے۔اس رواق کے تین دروازے ہیں جو مسجد گوہرشاد کے شبستان، دارالحفاظ اور دارالعزہ کی طرف کھلتے ہیں۔&nbsp;ماخذ: دائرة المعارف آستان قدس رضوی، جلد اول

دارالسلام.jpg

حرم کا تعارف | رواق دار السلام 

رواق حضرت فاطمہ زہرا سلام اللہ علیہارواق حضرت فاطمہ زہرا سلام اللہ علیہا حرم امام رضا علیہ السلام کے ان مخصوص رواقوں میں سے ایک ہے جو خواتین کے لیے مختص ہے۔ یہ رواق&nbsp;19&nbsp;جمادی الثانی 2017 کو حضرت فاطمہ زہرا سلام اللہ علیہا کی ولادت باسعادت کے موقع پر آستان قدس رضوی کے متولی کی موجودگی میں دوبارہ زائرین کے لئے کھولا گیا۔رواق حضرت فاطمہ زہرا سلام اللہ علیہا حرم مطہر رضوی میں صحن آزادی کے زیریں حصے میں تعمیر کیا گیا ہے، جس کا داخلی راستہ بستِ نواب صفوی میں صحن ہدایت اور صحن کوثر کے درمیان واقع ہے۔ اس رواق سے ایک دروازہ رواق دارالحجہ کی طرف بھی کھلتا ہے۔زائرین کی آمد و رفت کو خصوصاً رش اور ازدحام کے ایام میں آسان بنانے کے لیے اس رواق میں ہنگامی اخراج کے تین دروازے بھی بنائے گئے ہیں۔ وضو خانہ، برقی زینے اور اسلامی طرزِ تعمیر کے مختلف ستون بھی اس رواق کی دیگر خصوصیات میں شامل ہیں۔رواق حضرت فاطمہ زہرا سلام اللہ علیہا کے قیام کا مقصد مسلمان انقلابی خاتون کی شناخت کو واضح اور بلند کرنا، زائر خواتین کے لیے خصوصی پروگراموں میں شرکت کو بڑھانا اور ان کے معیار و مقدار کو بہتر بنانا، خواتین میں حضرت فاطمہ زہرا سلام اللہ علیہا کے طرزِ زندگی اور سیرت کو رواج دینا، نیز زائر خواتین کی زیارت کو مزید گہرا، عام اور آسان بنانا ہے۔رواق کے پروگرامزاس رواق میں مختلف مذہبی و ثقافتی پروگرام منعقد کیے جاتے ہیں، جن میں خواتین کے لیے اعتقادی موضوعات پر خصوصی حلقہ ہائے معرفت، فارسی اور عربی زبان میں خواتین سے متعلق شرعی احکام کی تعلیم، قرآن و اذان، نماز جماعت، زیارت کی قرائت، قرآن کی ترتیل و تدبر، قرآنی محافل، اسلامی طرزِ زندگی کے موضوع پر دینی تقاریر و گفتگو اور حضرت فاطمہ زہرا سلام اللہ علیہا کی سیرت کا بیان شامل ہیں۔رواق حضرت فاطمہ زہرا سلام اللہ علیہا کے دیگر پروگراموں میں بچوں اور نوجوانوں کے لیے مترجم کے ہمراہ خصوصی حلقہ ہائے معرفت، تمام اوقات میں بچوں کے لیے خصوصی پروگرام، نیز فارسی اور عربی دونوں زبانوں میں زیارت کے آداب کی تعلیم شامل ہے۔اس رواق میں حرم امام رضا علیہ السلام کی زائر خواتین کو مختلف خدمات، مثلاً کفش داری، صفائی وغیرہ، خواتین رضاکار خادمات کے ذریعے فراہم کی جاتی ہیں۔

4n8v2qlbz89sw4m47kl0as054w84ccq0_9388da46f4.png

حرم کا تعارف | رواق حضرت فاطمہ زہرا علیہا السلام 

رواق حضرت معصومہ سلام اللہ علیہا&nbsp;حرم امام رضا علیہ السلام کی تعمیر کا آغاز انقلاب شکوہمند اسلامی کے دور میں&nbsp;1997میں ہوا اور&nbsp;2000&nbsp;کو شب عید غدیر کو اس کا افتتاح عمل میں آیا۔البتہ اس رواق کا سابقہ نام «دارالاجابہ» تھا، جسے&nbsp;2016 سے تبدیل کرکے رواق حضرت معصومہ سلام اللہ علیہا رکھ دیا گیا۔رواق حضرت معصومہ سلام اللہ علیہا حرم امام رضا علیہ السلام،&nbsp;1965 مربع میٹر رقبے کے ساتھ، رواق دارالولایہ کے زیریں حصے میں، سرداب مطہر اور بالاسرِ مبارک امام رضا علیہ السلام کے مغربی جانب واقع ہے۔رواق کے مشرقی کونے میں ایک ہشتی موجود ہے، جس میں چاندی کی جالی والی کھڑکی اور نیم گنبد نما چھت ہے۔ یہی مقام سرداب مطہر امام رضا علیہ السلام میں داخل ہونے کا راستہ ہے اور اسے امام علیہ السلام کے مرقد شریف کے قریب ترین مقامات میں شمار کیا جاتا ہے۔رواق حضرت معصومہ سلام اللہ علیہا حرم امام رضا علیہ السلام کی ازارہ دو میٹر کی بلندی تک سنگِ مرمر سے مزین ہے، جبکہ ازارہ کے اوپری حصے سے چھت تک تقریباً&nbsp;7٫1 میٹر کی بلندی پر آئینہ کاری کی گئی ہے۔ اس رواق کی خوبصورت چھت کو آئینے کی مقرنس کاری، گچ کاری اور شہد کے چھتے کے انداز کی نقاشی سے آراستہ کیا گیا ہے، جبکہ چھت پر تقریباً&nbsp;1500 مربع میٹر رقبے میں آئینہ کاری کی گئی ہے۔رواق حضرت معصومہ سلام اللہ علیہا حرم امام رضا علیہ السلام کی مجموعی تزئین و آرائش میں گچ کاری، رنگ آمیزی، آئینہ کاری اور سنگی معرق کاری کا حسین امتزاج نظر آتا ہے۔ماخذ: باب الرضا ویب سائٹ (آستان قدس رضوی)

11_df05181099.jpg

حرم کا تعارف | رواق حضرت معصومہ علیہا السلام 

دارالحفاظ&nbsp;رواق دارالحفاظ حرم مطہر کے جنوبی حصے میں واقع ہے اور گوہرشاد بیگم کے تعمیراتی آثار میں شمار ہوتا ہے۔اس رواق کی لمبائی 18 میٹر اور چوڑائی تقریباً 8.5 میٹر ہے، جبکہ فرش سے چھت تک اس کی بلندی تقریباً 13 میٹر ہے۔دارالحفاظ میں سات صفے ہیں، جن میں سے چار صفوں میں ایسے دروازے موجود ہیں جو حرم مطہر، رواق اپک میرزا، دارالسیادہ اور مسجد گوہرشاد کے کفش داری کے راستے کی طرف کھلتے ہیں۔&nbsp;دارالفیضرواق دارالفیض مسجد ریاض اور صفۂ شاہ طہماسب کے حصوں سے تشکیل پایا ہے اس میں پتھر کا ازارہ اور خوبصورت کاشی کاری موجود ہے۔&nbsp;دارالضیافہرواق دارالضیافہ صحن جدید اور گنبد اللہ وردی خان کے درمیان واقع ہے۔اس کی لمبائی تقریباً 15.5 میٹر اور چوڑائی تقریباً 9 میٹر ہے۔ اس کے فرش کو سنگِ مرمر سے ڈھانپا گیا ہے۔رواق کے اوپر تقریباً 40 سینٹی میٹر چوڑا ایک کتیبہ موجود ہے، جس پر سورۂ انسان اور آیت الکرسی خط ثلث میں تحریر ہیں، جبکہ کتیبے کے اوپر خوبصورت آئینہ کاری بھی کی گئی ہے۔

dar_alsyadh_b4a5b9a362.jpg

حرم کے رواق، حرم کا تعارف

دارالشکر&nbsp;رواق دارالشکر ماضی میں آستان قدس رضوی کی لائبریری ہوا کرتا تھا۔یہ رواق پہلے ایک حجرہ تھا، جس میں صحن عتیق کے ایوان طلا کے جنوبی حصے کی جانب ایک بڑا چاندی کا دروازہ موجود تھا۔ یہ جگہ قرآن مجید اور ہزاروں نفیس خطی قرآنوں کے ذخیرے کی جگہ بھی تھی۔&nbsp;توحید خانہ&nbsp;توحید خانہ حرم مطہر کے شمالی حصے میں، رواق پشت سر اور صحن عتیق کے درمیان واقع ہے، اس رواق کی تعمیر ملا محسن فیض کاشانی سے منسوب ہے، جو شاہ سلیمان کے دور کے عظیم فلسفی اور عالم تھے۔&nbsp;گنبد حاتم خانی&nbsp;گنبد حاتم خانی حرم مطہر کے مشرقی حصے میں واقع ہے، اس رواق کے فرش میں سنگِ خلج اور منبت کاری کا استعمال کیا گیا ہے۔ اسے حاتم خان اردوبادی نے تعمیر کروایا، جو شاہ عباس کے امین الدولہ تھے۔&nbsp;گنبد اللہ وردی خان&nbsp;گنبد اللہ وردی خان بھی گنبد حاتم خانی کی طرح حرم کے مشرقی حصے میں واقع ہے، یہ رواق آٹھ پہلوؤں پر مشتمل ہے اور اس کی اندرونی دیواریں خوبصورت کاشی کاری اور مقرنس کاری سے آراستہ ہیں۔گنبد اللہ وردی خان میں آٹھ صفے موجود ہیں اور ان کی چھتوں کو اعلیٰ درجے کی معرق کاشی کاری سے سجایا گیا ہے۔

dar_alzhd_f6d0bbad44.jpg

حرم کے رواق، حرم کا تعارف 

دارالذکررواق دارالذکر پہلے مدرسۂ علی نقی مرزا کی جگہ تھا، اس کا فرش سبز رنگ کے سنگ مرمر سے مزین ہے، جبکہ چھت سے لے کر نچلے حصوں تک اسے معرق کاری، گچ کاری اور مقرنس کاری سے سجایا گیا ہے۔یہ وہی رواق ہے جہاں شہید امت رہبر انقلاب اسلامی ایران آیت اللہ العظمی سید علی خامنہ ای رضوان اللہ تعالی علیہ کی قبر ہے۔دارالسیادہرواق دارالسیادہ حرم کے مسجد بالاسر کے مغربی حصے میں واقع ہے اور گوہرشاد بیگم کے تعمیراتی آثار میں شامل ہے۔ دارالسیادہ حرم مطہر کے بڑے رواقوں میں سے ایک ہے۔ اس کی لمبائی 31 میٹر ہے، جبکہ اس کی چوڑائی مختلف حصوں میں 19، 7 اور 7 میٹر ہے۔ اس رواق کی بلندی 20 میٹر سے زیادہ ہے۔دارالسیادہ سے کئی دروازے مسجد گوہرشاد کے شمالی ایوان کی طرف کھلتے ہیں۔ اس کے علاوہ مشہور راہ داری، جسے سقا خانہ کہا جاتا ہے، بھی اسی رواق سے متعلق ہے۔دارالسعادہرواق دارالسعادہ حرم مطہر کے مشرقی حصے کے اہم رواقوں میں سے ہے اور ایوان طلا اور رواق حاتم خانی کے درمیان واقع ہے، اس کی لمبائی 15 میٹر، چوڑائی تقریباً 14 میٹر اور بلندی تقریباً 15 میٹر ہے۔رواق دارالسعادہ دورِ قاجار کے آصف الدولہ کی تعمیرات میں سے ہے اور اسے علی اصغر خان اتابک کے ذریعے آئینہ کاری سے مزین کیا گیا۔

5371910.jpg

حرم &nbsp;امام علی رضا علیہ السلام کے رواق&nbsp;رواق کسے کہتے ہیں؟&nbsp;&nbsp;رواق ایک چھت دار، نیم کھلی اور نسبتاً طویل جگہ کو کہا جاتا ہے، جو مختلف حصوں کے درمیان رابطہ پیدا کرنے کے لیے تعمیر کی جاتی ہے۔ حرم مطہر کے رواق مختلف بلندیوں اور خصوصیات کے حامل ہیں، جو وقت کے ساتھ ساتھ روضۂ مبارک کے اطراف میں تعمیر ہوئے اور ان میں تبدیلیاں بھی کی گئیں۔ ہر رواق اپنی جغرافیائی حیثیت، تاریخی پس منظر، نفیس کتیبوں اور مختلف پیمانوں کے اعتبار سے منفرد اہمیت رکھتا ہے۔حرم امام رضا علیہ السلام کے رواقوں کی تعداد 30 ہے، جن میں سب سے بڑا رواق رواق امام خمینیؒ ہے، جبکہ سب سے چھوٹا رواق دارالعزہ ہے۔حرم مطہر امام رضا علیہ السلام کے رواقوں کی فہرستبارگاہ منور رضوی کے رواق درج ذیل ہیں:&nbsp;1۔حاتم خانی2۔دارالسعادہ3۔دارالضیافہ4۔گنبد اللہ وردی خان5۔توحید خانہ6۔دارالفیض7۔دارالشکر8۔دارالاخلاص9۔دارالشرف10۔دارالسیادہ11۔دارالحفاظ12۔دارالسلام13۔دارالعزہ14۔دارالسرور15۔دارالذکر16۔دارالزہد17۔دارالعبادہ18۔دارالولایہ19۔دارالہدایہ20۔دارالرحمہ21۔دارالاجابہ22۔دارالحکمہ23۔دارالحجۃ24۔دارالکرامہ25۔رواق امام خمینیؒ26۔رواق غدیر27۔رواق کوثر28۔رواق شیخ بہائی29۔رواق شیخ طوسی30۔رواق حرّ عاملی

vnnkw4nuzl6ohtk2y6rii2zy8urdyo79 copy.jpg

حرم امام رضا علیہ السلام کے رواق 

رواق غدیررواق غدیرصحنِ غدیر کے شمال مغربی حصے اور شیخ طوسی رحمۃ اللہ علیہ کے ورودی راستے کے جنوب مغربی جانب واقع ہے یہ رواق مشرق کی جانب صحن جمہوری اسلامی اور جنوب کی جانب صحن غدیر سے متصل ہے۔ اپنی مناسب جغرافیائی اور مرکزی حیثیت کی وجہ سے یہ زائرین کے لیے آسان رسائی فراہم کرتا ہے۔&nbsp;رواق غدیر حرم مطہر رضوی میں خواتین اور مردوں کے لئے ہیں جہاں ایک وقت میں فیملی زیارت کر سکتی ہے اور یہ رواق اردو زبان زائرین سے مخصوص ہے۔رواق غدیر میں مختلف ثقافتی پروگراموں اور غیر ایرانی زائرین کے لئے خصوصی تقریبات کا انعقاد بھی کیا جاتا ہے، جو زائرین کے زیارتی تجربے کو مزید بہتر اور یادگار بنانے میں اہم کردار ادا کرتا ہے، جن میں شرعی و فقہی سوالوں کے جوابات، تلاوت قرآن، مجالس، محافل، دینی کلاسز، زائرین کی راہنمائی اور دیگر خدمات زائرین کے لئے فراہم ہیں۔اس رواق میں ضریح مطہر کے اوپر سے حاصل ہونے والے متبرک پھولوں کی تقسیم، زائرین کی رہنمائی اور انہیں «نسیم رضوان» ایپلیکیشن نصب کرنے اور استعمال کرنے کے طریقے سے آگاہ کرنا، نیز مختلف ثقافتی خدمات فراہم کرنا، یہاں کی مستقل سرگرمیوں میں شامل ہے۔

photo_2026-09-07_11-52-22.jpg

رواق غدیر 

رواق امام خمینیؒ&nbsp;رواق امام خمینیؒ وہی سابقہ صحن امام خمینیؒ ہے جو مسجد گوہرشاد کے جوار میں واقع ہے، یہ شمال کی جانب حرم مطہر کے وی آئی و تشریفات ہال، رواق شیخ بهایی، دارالعباد، دارالزہد اور صحن آزادی سے متصل ہے۔&nbsp;سرپوشیدہ مقامات کی بڑھتی ہوئی ضرورت اور ان کی توسیع کے پیش نظر صحن امام خمینیؒ کو رواق امام خمینیؒ میں تبدیل کرنے کا منصوبہ منظور کیا گیا، جس کے عملی تعمیراتی کام کا آغاز 2002 کے اواخر میں ہوا۔&nbsp;اس رواق کا کل زیربنا 22 ہزار مربع میٹر ہے جو دو منزلوں پر مشتمل ہے، اس میں سے 9840 مربع میٹر رواق کے لئے، 7600 مربع میٹر شبستان (نماز گاہ) کے لئے، جبکہ 4600 مربع میٹر ضمنی و خدماتی فضاؤں کے لئے مختص کیا گیا ہے۔&nbsp;اس صحن کے معماریاتی منصوبے میں وسیع دہانوں اور کم سے کم ستونوں کے استعمال کو مدنظر رکھا گیا ہے، حرم مطہر حضرت امام علی رضا علیہ السلام کے گنبد کے منظر کو محفوظ رکھنے کے لئے زیر زمین میں فرش سے چھت تک بلندی 5.60 میٹر اور گراونڈ فلور میں 14 میٹر رکھی گئی ہے۔&nbsp;زیر زمین منزل میں ہر ستون کے درمیان فاصلہ (محور تا محور) 8.94 میٹر اور زمینی منزل کے شبستان میں 17.88 میٹر ہے۔&nbsp;رواق امام خمینیؒ کی دیواریں معرق کاشی کاری سے مزین ہیں، جبکہ اس کی چھت گچ کاری اور آئینہ کاری سے آراستہ کی گئی ہے، اسی طرح شبستان میں آئینہ کاری، گچ کاری اور سنگ مرمر کا استعمال کیا گیا ہے۔&nbsp;اس رواق میں داخل ہونے کے تین اصلی داخلی راستے مسجد گوہرشاد، صحن جامع رضوی اور صحن آزادی کی جانب سے ہیں، اس رواق کی نمایاں معماری خصوصیات میں سے ایک یہ ہے کہ عمارت کا معماریاتی ڈیزائن اس کے سازے (Structure)&nbsp;کے ساتھ مکمل ہم آہنگی رکھتا ہے اور صحن کے اطراف میں موجود قدیمی تعمیرات، خصوصاً مسجد گوہرشاد، کے تاریخی طرز تعمیر میں کسی قسم کی مداخلت یا تبدیلی نہیں کی گئی۔&nbsp;ماخذ:حرم امام رضا علیہ السلام کی تعمیر و نگہداری کی تنظیم (سازمان عمران و نگهداری حرم مطهر رضوی) کی آفیشل ویب سائٹ۔